Shantnews.am-ը գրում է.
Ռուսաստանի տուրօպերատորների ասոցացիան (АТОР) հետազոտություն է անցկացրել՝ պարզելու, թե Վրաստանի և Ռուսաստանի միջև օդային չվերթների արգելքի հետևանքով որքան զբոսաշրջիկներ են Վրաստանի փոխարեն ուղևորվել Հայաստան:
ATOR- ը նաեւ ուսումնասիրել է այս միտման երկարատեւ բնույթը եւ ծավալը:
«Հայաստանի առավելություններից են ավիափոխադրողների, կեցության և երկրի ներսում գոյություն ունեցող ցածր գները: Բացի դրանից՝ Հայաստան մեկնել հնարավոր է լինում ռուսական անձնագրով»,- ասոցիացիայում մեջբերում են «Մուլտիտուր» ընկերության ներկայացուցիչ Յուլիա Վիսոկանովային:
Նաև նշվում է, որ ըստ տուրօպերատորների տվյալների, վերջին երկու շաբաթների ընթացքում էքսկուրսիաների և քաղաքային տուրերի պահանջը մեծացել է համապատասխանաբար 80 և 20 տոկոս հարաբերակցությամբ:
«Տարբեր գնահատականների համաձայն՝ վաճառքն ավելացել է 10-ից հասնելով 45 տոկոսի՝ անցած տարվա նույն ժամանակահատվածի համեմատ: Փորձագետների կարծիքով, այս միտումը պայմանավորված է վրացական ուղղությունների փակմամբ»,- հաղորդում է ասոցիացիան:
Հետազոտությունը պարզել է նաև բացասական երևույթները. խոսքն այն մասին է, որ Վրաստանի հետ չվերթների դադարեցման պատճառով չի նկատվում հայ գործընկերների կողմից հատուկ ակտիվություն: Փաստացի մարկետինգային ակցիաներ չեն գործում:
