Armsport.am-ը գրում է․
Մադրիդի «Աթլետիկոն» հայտարարել է «Բենֆիկայի» հարձակվող Ժոաո Ֆելիշի տրանսֆերը գնելու մասին։
19-ամյա պորտուգալացին 126 միլիոն եվրոյի դիմաց տեղափոխվել է «Աթլետիկո»։ Մադրիդյան ակումբը յուրատեսակ ձևով է ներկայացրել իր սպասված նորեկին։ «Ռոխիբլանկոսները» տեսանյութ են տեղադրել Twitter-յան պաշտոնական էջում։ Հատկանշական է, որ Անտուան Գրիզմանը՝ Մադրիդի «Աթլետիկոյից» հեռանալը ևս հանրությանը հայտնի էր դարձել տեսանյութի միջոցով։
Նախկինում նշվում էր, որ պորտուգալացին Մադրիդում տարեկան կվաստակի 6 մլն եվրո:
Ավարտված մրցաշրջանում Ֆելիշը մասնակցել է 43 հանդիպման՝ դառնալով 20 գոլի ու 13 գոլային փոխանցման հեղինակ:
«Աթլետիկոն» այսօր հայտարարել էր նաև «Պորտուի» կիսապաշտպան Էկտոր Էրերային ձեռք բերելու մասին։
Նախորդ մրցաշրջանի ավարտից հետո «Աթլետիկոյից» հեռացել են Դիեգո Գոդինը, Խուանֆրանը և Լուիս Ֆելիպեն։