Operativ.am-ը գրում է.
ՀՀ արտաքին գործերի նախարար Զոհրաբ Մնացականյանն այսօր՝ հուլիսի 2-ին ընդունել է Ռումինիայի նորանշանակ դեսպան Կորնել Իոնեսկուին՝ հավատարմագրերի պատճենը հանձնելու կապակցությամբ։ Այս մասին հայտնում են ՀՀ արտաքին գործերի նախարարությունից։
ԱԳ նախարարը հույս է հայտնել, որ նորանշանակ դեսպանն իր հետեւողական ջանքերով կարեւոր ներդրում կունենա փոխադարձ հարգանքի եւ դարավոր բարեկամության վրա հիմնված հայ-ռումինական հարաբերությունների առավել զարգացման եւ խորացման գործում։ Այս համատեքստում երկուստեք բարձր է գնահատվել հայ համայնքի կարեւորությունը Ռումինիայի հասարակական-քաղաքական կյանքում եւ կամրջող դերակատարությունը երկու երկրների հարաբերություններում:
Զրուցակիցները մտքեր են փոխանակել Հայաստանի եւ Ռումինիայի միջպետական հարաբերությունների ներկա վիճակի, տարածաշրջանային անվտանգության եւ մարտահրավերների, ինչպես նաեւ Հայաստան-Եվրամիություն գործընկերության շուրջ:
