Սիրո մեջ միշտ մեկը տալիս է, իսկ մյուսը՝ վերցնում։ Կան մարդիկ, ում վիրավորում է զուգընկերոջ կողմից զգացմունքները թաքցնելու հանգամանքը, իսկ կան նաև այնպիսիք, ում համար միևնույնն է՝ փոխադա՞րձ է համակրանքը, թե՞ ոչ։ Կենդանակերպի նշանը և այն որակները, որոնք ստացել եք դրանց շնորհիվ, մեծ դերակատարում ունեն այն բանում, թե որքան ուժեղ եք սիրում, ինչպես եք արտահայտում զգացմունքները և կապվածությունը։
Կենդանակերպի այս նշանները սիրո իրական մարտիկներ են։ Նրանք շատ առատաձեռն են, խորքային և փոխարենը ոչինչ չեն պահանջում։
Խոյ
Երևի թե ամենաթեժ նշանն է, որը կարողանում է հոգ տանել և իր կրքի օբյեկտին շրջապատել կատարելության շղարշով՝ անտեսելով բոլոր թերությունները։ Նա երկար ժամանակ կարող է պայքարել իր սիրո համար։ Միակ բանը, որ նրանք երբեք չեն ների, դավաճանությունն է։ Մեկ անգամ կորցնելով նրանց վստահությունը՝ դուք կարող եք ընդմիշտ հրաժեշտ տալ նրանց։ Անգամ եթե Խոյը սիրում է ձեզ, ապա նա լուռ կտառապի, սակայն երբեք չի ների ձեր դավաճանությունը։
Երկվորյակներ
Կենդանակերպի այս նշանները հակված են դավաճանության։ Նրանք ամենաշատ շփվող նշաններն են, սակայն մշտական զուգընկեր գտնելուց հետո ամբողջովին ձուլվում են նրան։ Վստահ եղեք, եթե նրանք սիրահարվել են ձեզ, ապա առաջին իսկ հանդիպումից հետո նրանք կկազմեն իրենց գործողությունների ամբողջական պլանը։ Նրանք ձգտում են շատ ժամանակ անցկացնել իրենց զուգընկերների հետ, ծանոթացնում են բոլոր ընկերների հետ և հոգ են տանում ընտանեկան հարմարավետության մասին։
Աղեղնավոր
Նրանք հավատում են, որ եթե սրտերը չայրվեն, սերը գեղեցիկ լինել չի կարող։ Աղեղնավորը կատարելապաշտ է, և նրա համար կարևոր է, որ զուգընկերն իրեն ավելի լավ զգա, քան ինքը։ Նրանք ամուսիններին առաջ տանող կանայք են, և այն տղամարդիկ, ովքեր ցանկացած նոր նախաձեռնության ժամանակ աջակցում են իրենց սիրելիներին։ Այս մարդիկ պատրաստ են ակնթարթորեն որոշում կայացնելու և իրենց զուգընկերոջ հետ մեկնելու աշխարհի մյուս ծայրը։
