Հարգելի ոստիկանապետ, այսօր հերթական անգամ վերաքննիչ դատարանի դիմաց՝ Քոչարյանին դեմ և կողմ ակցիայի ընթացքում, ոստիկանության Երևանի կենտրոն բաժանմունքի փոխգնդապետ Մանուկյանի կողմից կատարվեց պաշտոնական դիրքի չարաշահում: Չնայած մեր կողմից ցուցաբերված մեծ հարգանքին, որը կարող է փաստել այդտեղ կանգնած ցանկացած ոստիկան, Նա չարաշահելով իր ուսադիրները սկսեց մեզ անպատվել, քաղաքացու հետ խոսել ահաբեկելով և անհարգալից վերաբերմունք ցուցաբերեց մեր՝ ՀՀ քաղաքացիների հանդեպ: Հարգելի Պարոն ոստիկանապետ, մենք միշտ ունեցել ենք ոստիկանություն, որը հարգել և պաշտպանել է ՀՀ քաղաքացուն և նրա իրավունքները, սակայն նմանատիպ ոչ ադեկվատ և ոչ արհեստավարժ ոստիկանի պատճառով, վարկաբեկվում է մի ողջ համակարգ և ոտնատակ տրվում համազգեստի պատիվը:
Հուսով ենք Դուք հետամուտ կլինեք մեր բաց նամակին և կհանեք ստահակին ոստիկանի համազգեստից, որպեսզի չպղտորվի հայ ոստիկանի բարի անունը:
Մենք ևս հետևողական կլինենք այս հարցի լուծմանը:
Նյութի աղբյուր՝ https://www.facebook.com/kherapokhutyun/photos/a.2259113791004933/2323198634596448/?type=3&theater
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել