Մուշում քանդում են հայկական պատմական նշանակություն ունեցող տները (լուսանկարներ)Թուրքիայում նորից հայկական պատմամշակութային ժառանգության դեմ վայրագության դեպք է արձանագրվել։
Ինչպես հայտնում է Թուրքիայում գործող «Այքըրըդողրուլար» կայքի հայազգի լրագրող Ջևաթ Սինեթը, թուրքական իշխանությունները սկսել են քանդել Մուշում հայերին պատկանող պատմական նշանակության տները։

Նախկինում հայերին պատկանած տները քանդելու որոշում է կայացրել Մուշի քաղաքապետարանը, որտեղ մեծամասնություն են կազմում իշխող «Արդարություն և զարգացում» կուսակցության անդամները։

Հայերի տների փոխարեն կառուցվելու են պետական մարմինների համար նախատեսված շենքեր։ 

Բացի հայերի տներից, քանդվել է նաև մոտակայքում գտնվող պատմական նշանակության բաղնիքը։ Աղբյուրը նշում է, որ ապամոնտաժման դեմ հանդես եկող քաղաքացիներին ոստիկանությունն ահաբեկում է։
Նշենք, որ հայկական տները գտնվում էին Մուշի կենտրոնում։

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել