Հելսինկիի մշակույթի և հանգստի գծով փոխքաղաքապետ Նասիմա Ռազմիյարն առաջարկում է այդ նպատակով «գիշերային լոցմանի» պաշտոն հաստատել: Այլ երկրների որոշ քաղաքներում նույնպես կա մեկը, որը պատասխանատու է այս ուղղության զարգացման համար. նրանց «գիշերային քաղաքապետեր» են անվանում: Նման մարդիկ կան, օրինակ, Նյու Յորքում, Լոնդոնում, Բեռլինում, Ամստերդամում:
Ֆինները հաճախ նախընտրում են խմել տանը, այլ ոչ թե գնալ ռեստորաններ և գիշերային ակումբներ: Շատ բարեր և ակումբներ աշխատում են մինչև ժամը 3-4-ը: Այնուամենայնիվ, խոսքը միայն նման վնասակար ժամանցի մասի չէ:
Հելսինկիում ուսումնասիրություն է անցկացվել, որին մասնակցել են առևտրի, կինոթատրոնների, փառատոների, ռեստորանային բիզնեսի, արվեստի, թանգարանների և պատկերասրահների ներկայացուցիչներ: Պարզվել է, որ մարդիկ գիշերը որոշակի ծառայությունների պահանջ ունեն, նրանք պատրաստ են տպավորություններ գնել: Միջոցառման կազմակերպիչներն, օրինակ, կարծում են, որ գիշերային իրադարձություններ կարող են կազմակերպվել լողավազաններում, թանգարաններում, գրադարաններում: Սակայն դրանց կազմակերպմանը ներկայումս խանգարում են բյուրոկրատական սահմանափակումները:
Հետազոտողները չեն բացառել հատուկ «գիշերային թաղամասի» ստեղծումը:
Ըստ Ռազմիյարի, «գիշերային լոցմանը» կաշխատի մինչև 2021-ի վերջը:
