Tert.am-ը գրում է.
Քաղաքական տեխնոլոգիաների մասնագետ Կարեն Քոչարյանի խոսքով՝ սխալ կլինի ասել, որ իշխանափոխությունից հետո երկրում ոչինչ չի փոխվել: Նա Tert.am-ի հետ զրույցում, վերլուծելով Հայաստանի ներքաղաքական կյանքում եղած զարգացումները, խոսելով «Հայ հեղափոխական դաշնակցություն» կուսակցության հրավիրած հանրահավաքի և այնտեղ հնչած անհանգստությունների մասին, նշեց, որ մասնավորեպես իրեն անհանգստացում է, որ երկրում տնտեսության զարգացում դեռևս չկա և մտահոգված է Արցախի անվտանգությամբ:
«Այն, որ Դաշնակցություն է այդ մասին խոսում, ես հասկանում եմ: Դաշնակցությունը հզոր ուժ է, ռեգեներացիայի հնարավորություն միշտ ունեցող ուժ է, և հիմա քաղաքական այդ ուժը փորձում է նորից գեներացնել իր ուժերը,- ասաց նա՝ նկատելով, որ այս պահին Դաշնակցությունն անում է ընդդիմության իր դերը,- պետք է քննադատի, բայց կարծում եմ՝ դրա հետ մեկտեղ պետք է առաջարկներ էլ անի, որովհետև ամենահեշտ բանն է՝ լինել ընդդիմություն և քննադատել և չառաջարկել այլընտրանքային ծրագրեր»:
Անդրադառնալով այսօրվա իշխանություններին, խոսելով նրա մասին, թե արդյոք այսօր նրանք ընդունում են իրենց ուղղված քննադատությունները և հետևություններ անում՝ Կարեն Քոչարյանը նշեց, որ նրանց մեջ եղած ավելի փորձառուները լսում են, իսկ երիտասարդաները քննադատության սովոր չեն, միանգամից ընդդիմանում են:
«Երիտասարդները, որոնք քաղաքական դպրոց չեն անցել, սովոր չեն, որ իշխանությանը պետք է քննադատեն: Դա անփորձությունից է գալիս. Մի մասը ժամանակի ընթացքում կսովորի, մի մասը՝ այդպես էլ չի սովորի»,- ասաց նա:
Խոսելով այսօրվա իշխանությունների կատարած փոփոխությունների մասին՝ Կարեն Քոչարյանը մատնանշեց, որ առաջինը փոխվել է մարդկանց մտածելակերպը՝ թե՛ իշխանությունում, թե պարզապես հաարակության մեջ:
«Այսօր հասարակության մեջ քննադատելի է կաշառք վերցնելը: Ես չեմ ասում, որ չեն վերցնում: Դա մարդկության պես հին է, բայց համակարգային կոռուպցիա չկա, և այն այսօր դատապարտելի է հասարակության կողմից»,- ասաց նա:
Նա նորից ներկայացրեց իր մտահագությունների այսօրվա իշխանությունների կողմից տարվող քաղաքականության վերաբերյալ, որն առնչվում է տնտեսության ոլորտի զարգացանը, որտեղ չկան համակարգային փոփոխություններ և Արցախյան հիմնախնդրի լուծմանը:
«Պետք է գնալ միացման: Պետք է մի կողմ դնել քաղաքական մոտեցումները, և անգամ եթե գիտես, որ օրինակ, Արցախում հակահեղափոխության փորձեր են անում, պետք է քո բարձր դիրքից հանդես գաս»,- ասաց նա:
Ամբողջական հոդվածը կարող եք կարդալ այստեղ
