Armsport.am-ը գրում է.

«Ռեալը» մտադիր է նոր փորձեր ձեռնարկել «Չելսիի» կիսապաշտպան Էդեն Ազարին ստանալու համար: Այս մասին հայտնում է The Telegraph-ը:

Աղբյուրի փոխանցմամբ, «սերուցքայինները» մտադիր են նոր առաջարկ անել 28-ամյա ֆուտբոլիստի համար Եվրոպա լիգայի եզրափակչից հետո: Ընդ որում, Մադրիդում բարդ բանակցություններ են ակնկալում լոնդոնցիների հետ, ովքեր բելգիացու համար 150 մլն եվրո են պահանջում, բայց միևնույն է՝ վստահ են, որ արդյունքում ֆուտբոլիստը տեղափոխվելու է Մադրիդ:

Անձամբ Ազարն արդեն հայտնել է «Չելսիին», որ ցանկանում է կարիերան շարունակել «Ռեալում»:

Ընթացիկ մրցաշրջանում Ազարն ակումբային մակարդակում 51 հանդիպման է մասնակցել՝ դառնալով 19 գոլի և 16 գոլային փոխանցման հեղինակ: Նրա պայմանագիրը «Չելսիի» հետ նախատեսված է մինչև 2022 թվականի ամառը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել