Ներկայացնում ենք շոկոլադե տորթ «Հարբած բալ»:
Բաղադրիչները՝
- 1,5 բաժակ ցորենի ալյուր
- 1,5 բաժակ բալ
- 5 ձու
- 4 ճ/գ կակաոյի փոշի
- 1 բաժակ շաքարավազ
- 1 թ/գ սոդա
- 1 բաժակ թթվասեր
- Կարմիր կիսաքաղցր գինի
- Մարգարին
- Շոկոլադի փշուր
- 1,5 տուփ կարագ
- 1 տուփ խտացրած կաթ
Պատրաստումը՝
1. Բալի կորիզը հանիր:
2. Բալի վրա գինի լցրու այնքան, որ ծածկի բալը: Կարելի է կոնյակ օգտագործել: Տարան փակիր կափարիչով և թող 1 օր սենյակային ջերմաստիճանի պայմաններում:
3. Երբ բալը պատրաստ լինի, բիսկվիթը պատրաստիր: Դրա համար հարիչով հարիր ձվերը և շաքարավազը: Ալյուրը խառնիր կակաոյին:
4. Հետո ձուն խառնիր շաքարավազին և ալյուրին, կակաոյին, ավելացրու թթվասերին խառնած սոդան: Ամենը խառնիր:
5. Մարգարինը քսիր ձևամանին, լցրու ստացված խմորը:
6. Խմորը դիր մինչև 200 աստիճան տաքացված ջեռոցը, եփիր, մինչև պատրաստ լինի: Մոտ 25 րոպե անց փայտիկով ստուգիր պատրաստ լինելը:
7. Բիսկվիթը թող՝ սառչի:
8. Բիսկվիթը կտրիր երկու մասի:
9. Երկու բիսկվիթ կստացվի, դրանց կենտրոնները կտրիր: Ստացված կողերի հաստությունը պետք է մոտ 2 սմ լինի:
10. Կտրած մասը քառակուսաձև կտրտիր, լցրու ամանի մեջ:
11. Կրեմի համար հարիչով հարիր կարագը և խտացրած կաթը: Մի քիչ կրեմ թող զադարելու համար:
12. Կրեմ քսիր բիսկվիթի քառակուսիների վրա և ավելացրու 1 բաժակ բալը ու մի քիչ գինի: Խառնիր:
13. Կողիկները կպցրու ստացված միջուկով և մեկը մյուսի վրա դիր: Տորթը պետք է նախնական տեսքը ստանա:
14. Վրան շոկոլադի փշուր լցրու կամ զարդարիր մնացած կրեմով և բալով: Տորթը պատրաստ է: Ցանկության դեպքում վրան շոկոլադով գլազուր լցրու:
