Քուրդ զինյալները կրակ են բացել զինվորներ տեղափոխող թուրքական ուղղաթիռի ուղղությամբ

Թուրքիայի Հաքքարի նահանգի Յուքսեքովա բնակավայրում Քրդական աշխատավորական կուսակցության (PKK) զինյալները կրակ են բացել թուրք զինվորականների տեղափոխող ռազմական ուղղաթիռի ուղղությամբ։

Ինչպես տեղեկացնում է Թուրքիայի ԶՈՒ գլխավոր շտաբը, ուղղաթիռի ուղղությամբ կրակել են 4 անգամ, որոնցից մեկը հասել է թիրախին։

Միջադեպի հետևանքով տուժածներ չկան, սկսվել է հետաքննություն։

Հիշեցնենք, որ քրդերի առաջնորդ Աբդուլլահ Օջալանը, ով ցմահ ազատազրկման է դատապարտվել, մարտի 21-ին կոչ է արել քուրդ զինյալներին թողնել զենքերն ու հեռանալ երկրից։

Երեկ տեղեկություն էր տարածվել այն մասին, որ քուրդ զինյալների 2/3-ն արդեն դուրս է եկել Թուրքիայից։