Armsport.am-ը գրում է.
«Չելսիի» հարձակվող Ալվարո Մորատան, որն այս պահին վարձակալության հիմունքներով հանդես է գալիս «Աթլետիկոյում», սխալ է հասկացել լոնդոնյան թիմի պաշտպան և ավագ Գարի Կեհիլի` ակումբից հեռանալու մասին լուրը, գրում է Onefootball.com-ը:
Իսպանացի ֆուտբոլիստն, իմանալաով 33-ամյա ֆուտբոլիստի հեռանալու մասին, որոշել է, որ նա ավարտում է կարիերան:
Ալվարոն այս առիթով շնորհավորել է իր նախկին թիմակցին.
«Շնորհավորում եմ հիանալի կարիերա ունենալու համար: Մեծ հաճույք էր քեզ հետ միևնույն թիմում խաղալը»,- գրել է Մորատան:
Հարձակվողի սխալը շուտով նկատել և ուղղել է «Չելսիում» իր նախկին թիմակից, իսպանացի Մարկոս Ալոնսոն, որը հետևյալ մեկնաբանությունն է արել. «Նա կարիերան չի ավարտում, ընկերս»:
Կեհիլը 2012 թվականից է հանդես գալիս «Չելսիում»: Լոնդոնցիների կազմում պաշտպանը 7 տիղոս է նվաճել:
