Բաղադրիչներ

  • լազանյայի շերտեր - 25 հատ
  • պանիր պարմեզան - 100 գ
  • ձիթայուղ - 2 ճ/գ
  • Բոլոնյեզ սոուսի համար՝
  • միս տավարի (աղացած) - 600 գ
  • լոլիկի մածուկ - 1 բանկա
  • աղ - ըստ ճաշակի
  • պղպեղ սև - ըստ ճաշակի
  • կանաչի - 3 թ/գ (ըստ ճաշակի)
  • Բեշամել սոուսի համար՝
  • կաթ - 1 լ
  • կարագ - 120 գ
  • ալյուր - 3 ճ/գ
  • մշկընկույզ (мускатный орех) - մի պտղունց
  • աղ - ըստ ճաշակի
  • պղպեղ սև - ըստ ճաշակի

Պատրաստման եղանակը

Պատրաստում ենք բոլոնեզ սոուսը: Դրա համար միսը 6-7 րոպե տապակում ենք, ավելացնում կանաչեղենը, աղը, պղպեղը, լոլիկի մածուկն ու եփում ևս 7 րոպե: Կրակից վերցնում ենք:
lazanya-bolonyez-sousov-1
Պատրաստում ենք բեշամել սոուսը: Դրա համար կարագը թավայի մեջ հալեցնում ենք, ավելացնում ալյուրը: Անընդհատ խառնելով՝ քիչ-քիչ լցնում ենք կաթ, ավելացնում մշկընկույզը, աղը, պղպեղը և եփում ենք ևս 8-10 րոպե, մինչև սոուսը համասեռ դառնա:
lazanya-bolonyez-sousov-2
Թխվածքի ձևամանը ձիթայուղում ենք և հատակին դնում լազանյայի թերթերն այնպես, որը մեկը մի քիչ ծածկի մյուսին: Վրան տարածում ենք բոլոնյեզի մի մասն ու հավասարեցնում:
lazanya-bolonyez-sousov-3
Լցնում ենք բեշամել սոուսը, վրան մի քիչ քերած պարմեզան ցանում: Նույն եղանակով շարում ենք բոլոր շերտերը, մինչև որ բաղադրիչները վերջանան: Վերջին շերտը դնում ենք լազանյայի շերտը, վրան լցնում բեշամել սոուսն ու քերած պարմեզան ցանում:
lazanya-bolonyez-sousov-4
Թխում ենք 190 աստիճան տաքացրած ջեռոցում մոտ 35 րոպե:
lazanya-bolonyez-sousov-5

Լազանյա պատրաստելու համար ցանկալի է վերցնել այնպիսի թերթեր, որոնք նախապես եփելու կարիք չկա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել