Հոգեբանները վստահ են, որ էրոտիկ երազները պետք չէ ընդունել որպես թաքնված սեքսուալ ցանկություն: Եթե միայն ձեր երազներում չեք տեսնում այն մարդուն, ում նկատմամբ զգացմունք ունեք:
Ինչու՞ ենք մենք տեսնում էրոտիկ երազներ
Երազները մեր ենթագիտակցության մեջ կատարվող ամենօրյա պրոցեսների անդրադարձումն են: Քանի որ սեքսը մեր կյանքի ամենահզոր շարժիչներից է, ապա զարմանալի ոչինչ չկա, որ մենք տեսնում ենք երազներ սեքսի մասին: Որոշ մարդիկ տեսնում են ոչ թե ուղղակիորեն սեքսի տեսարաններ, այլ սեքսուալ սիմվոլներ. օրինակ տղամարդիկ տեսնում են թունելներ, բլրակներ, սարեր, իսկ կանայք՝ սիգարներ, ջուր, աշտարակներ և այլն: Այսպիսի բաներ հիմնականում տեսնում են ներքին կոմպլեքսներով տառապող մարդիկ, ուստի եթե դուք երազում հենց սեքս եք տեսնում, ապա մի անհանգստացեք. դուք բարդույթներ չունեք:
Հնարավո՞ր է արդյոք երազում օրգազմ ապրել
Այո, թեև կանայք հաճախ ոչ թե օրգազմ են ապրում, այլ սեքսուալ գրգռվածություն: Տղամարդիկ շատ ավելի հաճախ են օրգազմ ապրում երազում: Տղամարդկանց չպետք է անհանգստացնի սերմնաժայթքումը քնած ժամանակ: Դա հորմոնալ նորմալ պրոցես է, վնաս չէ օրգանիզմին և չի վկայում այն մասին, որ որևէ խանգարում կա:
Սերը երազում
Երբեմն մարդիկ երազում տեսնում են, որ իրենց սիրում են, հոգ են տանում իրենց մասին: Չի կարելի ասել, որ դրանք սեքսուալ բովանդակությամբ երազներ են, բայց դրանք թողնում են երազում հայտնված կերպարի հանդեպ կապվածություն: Դրանք կարող են մարդուն գցել ցրվածության և ամոթխածության մեջ, հատկապես եթե դա այն մարդը չէ, ում հետ տվյալ մարդը հարաբերությունների մեջ է:
Սիրո մասին երազներն ունեն իրենց նշանակությունը. դրանք վկայում են այն մասին, որ ներկայիս հարաբերություններում ամեն ինչ կարգին չէ, և մարդը շատ է ցանկանում վերադարձնել սիրահարվածության և ռոմանտիկ հարաբերությունների զգացումը: Եթե ձեզ անհանգստացնում են նման երազները, ապա կարող եք քննարկել ձեր սիրելիի հետ, թե ինչն է ձեզ պակասում, ինչ կցանկանայիք փոխել:
Ողջ ճշմարտությունը էրոտիկ երազների մասին. դուք կարող եք պատվիրել սեքսուալ երազներ
Այսօր ավելի ու ավելի մեծ տարածում է գտնում հոգեբանության այն ուղղությունը, երբ մարդ կարող է ինքը պատվիրել երազներ: Նախկինում դա կիրառվում էր տիբեթական յոգերի, հնդկացիական շամանների և աբորիգենների կողմից, իսկ այսօր այն փորձարկվում է աշխարհի տարբեր լաբորատորիաներում: Փորձենք և մենք հասկանալ, թե ինչ է դա:
Անհրաժեշտ պայմաններ՝
- Ճաշին հրաժարվեք թեյից և սուրճից, թեթև ընթրիք ընտրեք: Ավելի շատ ջուր ըմպեք և մի օգտագործեք ոգելից խմիչք, քանի որ ալկոհոլը բթացնում է մարդու զգացողությունները:
- Քնելուց առաջ խուսափեք ֆիզիկական և մտավոր աշխատանքից. ոչ մի վազք, մարմնամարզություն, ընթերցանություն և այլն:
- Որքան հարմար կարող եք տեղավորվեք անկողնում, ցանկալի է, որ սենյակում լռություն լինի, քանի որ կողմնակի աղմուկը խանգարում է քնել և երազներ տեսնել:
- Միանգամից մի քնեք, ուղղորդեք երազն այն ուղղությամբ, որ ցանկանում եք. պատկերացրեք ձեր սիրելիին գայթակղիչ իրավիճակում: Պետք է տեսնեք ամեն շարժում, ամեն ժեստ: Իդեալական կլիներ, եթե կարողանայիք այդպես մնալ մինչև 10 րոպե: Սկսնակները որպես կանոն շուտ են քնում, սակայն մի քանի փորձից հետո գիշերային հաճույքի ձեր սեանսը հաստատ կսկսի: Որպես կանոն այն սկսում է քնելուց 50-100 րոպե անց:
