Ռուսաստանի Դաշնության Աստրախան քաղաքի բնակելի տներից մեկում բռնկված հրդեհի հետևանով 3 մարդ է զոհվել, գրում է РИА Новости գործակալությունը:

Նախնական տվյալներով՝ հրդեհը բռնկվել է քաղաքի Լենինգրադյան շրջանի Կոմունիստական փողոցում՝ ապրիլի 28-ի լույս 29-ի գիշերը:

«Հրդեհի տեղայնացումից հետո 3 դի է հայտնաբերվել: Զոհերից 2-ը տղամարդ են, մեկը՝ կին: Եվս մեկ տղամարդ հիվանդանոց է տեղափոխվել»,- ասված է ՌԴ քննչական կոմիտեի Աստրախանի մարզային քննչական վարչության հաղորդման մեջ:

Հրդեհը բռնկվել է, ըստ նախնական վարկածի, կրակի հետ անզգույշ վարվելու հետևանքով:

Հրդեհի փաստի առթիվ դատավարական ստուգումներ են կազմակերպվել, կատարվածի հանգամանքները պարզվում են:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել