Թթենին կամ թթի ծառը՝ շերամածառը, թթազգիների ընտանիքի տերևաթափ ծառերի կամ թփերի ցեղ է։ Այն տարածված է տաք ջերմային գոտիներում։ Համարվում է, որ թթենու հայրենիքը Չինաստանն է։
Թթենու պտուղներն օգտագործվում են որպես սնունդ, իսկ տերևները հումք են հանդիսանում մետաքսի համար։ Դեռևս հնագույն ժամանակներից այն դեղաբույս է համարվել։ Թթենու պտուղները գնահատվում են իրենց յուրահատուկ համի և օգտակար նյութերով հարուստ բաղադրության համար։ 
1. Կանխարգելում է քաղցկեղը
Թութը մեծ քանակությամբ անտոցիաններ, կվերցետին և կեմպֆերոլ է պարունակում, որոնք օգնում են պայքարել օրգանիզմում ազատ ռադիկալների դեմ։ Այն նաև կանխարգելում է ուղեղի արյան շրջանառության դեֆիցիտը, կանխարգելում է քաղցկեղը (սակավարյունություն, կրծաքեղձի, հաստաղիքի քաղցկեղ), նվազեցնում է ալերգիկ դրսևորումները։
2. Նվազեցնում է սիրտ-անոթային հիվանդությունների հավանականությունը
Կվերցետիննն ու կեմպֆերոլը նվազեցնում են սրտի հետ կապված հիվանդությունների և հիպերտոնիայի հավանականությունը, ամրացնում են արյունատար անոթները։
3. Նվազեցնում է արյան մեջ վատ խոլեստերինի քանակությունը
Թութը ֆիտոստերոլ է պարունակում, որն օգնում է նվազեցնել արյան մեջ խոլեստերինի մակարդակը։
4. Ամրապնդում է աչքերի առողջությունը
Թթենու մեջ առկա կարոտինոիդներն օգնում են կանխարգելել կատարակտը և դեղին բծերի դեգեներացիան։
5. Պայքարում է բորբոքումների դեմ
Ռեսվերատրոլի առկայությունը թթենու մեջ նրան հակաբորբոքային հատկություններով է օժտում։ Թթի մեջ նաև անտոցիաններ կան, որոնք օգնում են կանխել բորբոքումները։
6. Նվազեցնում է մրսածության դրսևորումները
Թութը մեծ քանակությամբ վիտամին C է պարունակում։ Այն օգնում է կանխել մրսածությունը, ալերգիան, տուբերկուլյոզը, վիրուսները և օգնում է ամրապնդել օրգանիզմի իմունային համակարգը։
7. Նվազեցնում է դաշտանային ցավերը
Թութը վիտամին B6 է պարունակում, որն օգնում է սնել արյունը, լյարդն ու երիկամները և նվազեցնում է դաշտանային ցավերը։
8. Բարելավում է արյան վիճակը
Թութը մեծ քանակությամբ ֆոլաթթու է պարունակում, որը խթանում է ողնուղեղի և գլխուղեղի բջիջների աճը։ Այն նաև օգնում է կանխել սակավարյունությունը։
9. Կանխում է տկարամտությունը
Հետազոտությունները ցույց են տվել, որ թութը պաշտպանիչ ազդեցություն է գործում նյարդային համակարգի վրա։ Այն ուժեղացնում է ուղեղը՝ այն երիտասարդ և թարմ պահելով։ Այն նաև սնում է ուղեղը կալցիումով և այլ սննդարար նյութերով։
