9 հոգուն բերման ենթարկելու հիմքը Վարչական իրավավախտումների 172.2-րդ հոդվածով նախատեսված արարքներն են։
Խնդրո առարկա հոդվածը.
ՀՈԴՎԱԾ 172.2. ՀԱՍԱՐԱԿԱԿԱՆ ՎԱՅՐԵՐՆ ՕԳՏԱԳՈՐԾԵԼՈՒ ԿԱՆՈՆՆԵՐԸ ԽԱԽՏԵԼԸ
Փողոցները, մայթերը, հրապարակները, պուրակները, զբոսայգիները, մարզադաշտերը և հասարակական այլ վայրերն օգտագործելու` օրենքով կամ օրենքի հիման վրա արձակված վարչական ակտով սահմանված սահմանափակումները խախտելը`
առաջացնում է տուգանքի նշանակում` սահմանված նվազագույն աշխատավարձի քսանապատիկից մինչև վաթսունապատիկի չափով:
Հիմա հարցերս.
- Խնդրում եմ հրապարակել նշված վայրերն օգտագործելու հետ կապված սահմանափակումներ սահմանող նորմատիվ իրավական ակտերի սպառիչ ցանկը։
- Խնդրում եմ մատնանշել այն կոնկրետ սահմանափակումը և դա ամրագրող համապատասխան իրավական ակտը, որի խախտումն արձանագրել են պահակա-պարեկային ծառայողները։
ՀԳ. Հարցերս առավել քան լուրջ են։ Երկրորդ հետգրությունն՝ առավել քան հռետորական։
ՀՀԳ. Էն, որ ասում էիք իրավապաշտպան, դա ի՞նչ արժեր։
Նյութի աղբյուր՝ https://www.facebook.com/armen.minasyan.3/posts/2254414207952924
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել