Սիմոն Մարտիրոսյանը՝ Եվրոպայի չեմպիոն (Video)

Վրաստանի Բաթումի քաղաքում ավարտին է մոտենում ծանրամարտի Եվրոպայի առաջնությունը։

Այսօր մրցահարթակ են դուրս եկել 109 կգ քաշային ծանրորդները։ Այս քաշային կարգում Հայաստանը ներկայացնում է Սիմոն Մարտիրոսյանը։

Պոկում վարժությունում 22-ամյա ծանրորդը 192 կգ արդյունքով փոքր ոսկե մեդալ նվաճեց։ Հրում վարժությունում առաջին մոտեցմամբ Սիմոնը բարձրացրեց 225 կգ։ Երկրորդ մոտեցմամբ բարձրացրեց 235 կգ կռշող ծանրաձողը՝ ապահովելով Եվրոպայի չեմպիոնի կոչումը։

Այսպիսով՝ երկամարտի 427 կգ արդյունքով Սիմոն Մարտիրոսյանը նվաճեց Եվրոպայի առաջնության ոսկե մեդալը։