Մեծ Բրիտանիայից և Գերմանիայից գիտնականների խումբը մարդու օրգազնիզմի վրա շաքարի ազդեցության 31 հետազոտություն է ուսումնասիրել և հերքել կարծիքն այն մասին, որ շաքարի օգտագործումն մարդուն ավելի էներգիայով լի է դարձնում։
Ուսումնասիրությունը հրապարակվել է Neuroscience & Biobehavioral Reviews պարբերականում։
Նշվում է, որ ներկա դրությամբ ԱՄՆ-ի բնակիչներն անհրաժեշտից 3 անգամ ավելի շատ են շաքար գործածում։
«Գաղափարն այն մասին, որ շաքարը կարող է բարելավել տրամադրությունը, լայնորեն տարածված է եղել փոփ մշակույթում։ Այդպես ամբողջ աշխարհում մարդիկ սկսեցին քաղցր ըմպելիքներ օգտագործել, որպեսզի առավել ուշադիր դառնան կամ պայքարեն հոգնածության դեմ»,- ասել է Հումբոլդտի համալսարանի հոգեբան Կոնստանտիանոս Մանտանտսիզը։
Գիտնականները հանգել են եզրակացության, որ քաղցր գազավորված ըմպելիք օգտագործելուց հետո մարդն ավելի «թոշնած» է դառնում։