Պատրաստում ենք համեղ ու նրբահամ տորթ Իրիս և զարմացնում մեր հյուրերին

Պատրաստում ենք բիսկվիթը: Ձվի սպիտակուցներն ու դեղնուցները առանձնացնում ենք, սպիտակուցները լավ հարում ենք և կամաց-կամաց ավելացնում շաքարավազը: Այնուհետև հատ առ հատ լցնում ենք դեղնուցներն ու հարում: Վերջում ավելացնում ենք ալյուրն ու խմոր հունցում: Այս ամենից հետո խմորը լցնում ենք յուղաթղթապատ ձևամանի մեջ և թխում նախօրոք 180 աստիճան տաքացրած ջեռոցում 40-45 րոպե:

Բիսկվիթը հովացնում ենք, հանում ձևամանից և 4-5 ժամով հանգիստ թողնում:

Պատրաստում ենք օշարակը: Ջուրն ու 2 ճ/գ եփած խտացրած կաթը մարմանդ կրակին եռացնում ենք, ավելացնում կոնյակն ու խառնում: Բիսկվիթը երկու մասի ենք բաժանում և օշարակով տոգորում:

Պատրաստում ենք կրեմը: Սերուցքը լավ հարում ենք, կամաց-կամաց ավելացնում ենք եփած խտացրած կաթը:
Առաջին շերտին կրեմ ենք քսում և դնում երկրորդ շերտը:

Վերջում կրեմապատում ենք ողջ տորթը:

Տորթը 2-3 ժամով տեղափոխում ենք սառնարան և մատուցում: