Պատմությունը վկայում է, որ Սևանա կղզու ներկայումս կանգուն երկու եկեղեցիները՝ Սուրբ Առաքելոցը և Սուրբ Աստվածամայրը, 874 թվականին հիմնադրել է Աշոտ Բագրատունի Հայոց թագավորի կրտսեր դուստրը, Սյունյաց Վասակ Գաբուռ իշխանի կինը՝ իշխանուհի Մարիամ Բագրատունին, ով ուխտել էր Հայաստանում 30 եկեղեցի կառուցել իր վաղամեռիկ ամուսնու հիշատակին: Սևանավանքի երկրորդ՝ Աստվածամայր եկեղեցուն կից եղել է գավիթ, որը քանդվել է 1930-ականների սկզբին: Գավթի սյուները պսակված են եղել փայտե քանդակազարդ խոյակներով, որոնք այժմ պահվում են Հայաստանի պատմության թանգարանում և Սանկտ Պետերբուրգի Էրմիտաժում։ Նրանք իրավմամբ հայկական միջնադարյան կիրառական արվեստի արժեքավոր նմուշներ են հանդիսանում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել