Operativ.am-ը գրում է.
Յու ազգանունով չինացի մի աղջիկ որոշել էր անսովոր ձևով հեռանալ իր ընկերոջից, ով, ի զարմանս աղջկա, պարզվել է, որ չափազանց աղքատ է:
37 տարեկան չինուհին ընկերոջ հետ այցելել է նրա հարազատ քաղաքը, որտեղ պարզել է, որ իր ընտրյալ Լին իրականում շատ աղքատ է:
Աղջիկը որոշել է դադարեցնել հարաբերությունները, սակայն կարծել
է, որ հեշտ չի լինի ազատվել տղայից, հաղորդում է Daily Mail պարբերականը:
Այդ ժամանակ Յուն գտել է տղային իր կյանքից ջնջելու անսովոր տարբերակ՝
բեմականացնելով իրեն առևանգելու և սպանելու պատմություն: Յուն անհետացել է
այն հանրակացարանից, որտեղ բնակվում էր տղայի հետ, զանգել է ընկերոջը և
հայտնել, թե իրեն առևանգել է նախկին ամուսինը:
Շուտով Լինը ստացել է մի քանի սպառնալից հաղորդագրություններ՝ իբր
նախկին ամուսնուց՝ «Եթե դիմես ոստիկանություն, աղջիկը կմահանա»
բովանդակությամբ:
Մյուս հաղորդագրությամբ հայտնել են, թե աղջիկն արդեն մահացած է, իսկ
դիակը լիճ է նետված: Տղան այս ամենը պատմել է ոստիկանությանը: Ոստիկանները
տեսանկարահանող սարքերի օգնությամբ հայտնաբերել են խորամանկ աղջկան։
Նրան 10 օրով կալանավորել են՝ հասարակական կարգը խախտելու համար: