Ինչպիսի՞ օգտակար հատկություններ ունեն ցիտրուսային մրգերը

Ցիտրուսային մրգերն օգտակար նյութերի և էներգիայի մեծ աղբյուր են։ Նրանք գարնանային շրջանում կարող են փոխարինել դեղատնային վիտամիններին։

Գարնան սկզբի «անցումային» շրջանում մեր օրգանիզմը դեռևս չի կարողանում հարմարվել նոր եղանակին և ջերմաստիճանին, այդ պատճառով սկսում է սթրեսի ենթարկվել և թուլանալ։

1. C վիտամինով հարուստ մրգերն օգնում են հաղթահարել ավիտամինոզը և մրսածությունը։ Այդպիսի մրգերից են նարինջը, կիտրոնը և գրեյպֆրուտը։ Այս վիտամինը նաև շատ հզոր հակաօքսիդանտ է, որը մաքրում է մարդու օրգանիզմը և կարգավորում է մարսողական համակարգը։
2. Բացի C վիտամինից՝ ցիտրուսային մրգերում կան նաև A, B, D, K, P, PP վիտամիններ, օրգանական օգտակար թթուներ, ֆրուկտոզ և մանրաթելեր։ Այս բաղադրիչներն օգնում են ամրապնդել օրգանիզմը հատկապես գարնանային շրջանում։
3. Ամենաօգտակար ցիտրուսային միրգը նարինջն է։ Այն նաև պայքարում է քաղցկեղի, Ալցհեյմերի հիվանդության և այլ հիվանդությունների դեմ։ Ամեն օր մեկ նարինջ կերեք և ձեզ ավելի լավ կզգաք։
4. Լնդային հիվանդությունների ժամանակ ձեզ կօգնի գրեյպֆրուտը։ Այն օրգանիզմը հարստացնում է օգտակար վիտամիններով և շնորհիվ ավելորդ ճարպերը այրելու իր հատկության՝ օգնում է նիհարել։
5. Կիտրոնն օգնում է կարգավորել հորմոնային ֆոնը և երիկամների աշխատանքը, հաղթահարել ճնշման տատանումները։