Մրսածության և գրիպի ժամանակ կիրառվող հին բաղադրատոմս

Սխտորը բնական հակաբիոտիկ է, որը հարուստ է B վիտամինով, հակաօքսիդանտներով, այնպիսի հանքանյութերով, ինչպիսիք են ցինկն ու սելենը։ Դա է պատճառը, որ այն լավ միջոց է գրիպի ու մրսածության դեմ։

Այն կարգավորում է արյան ճնշումը, իջեցնում խոլեստերինի մակարդակը, ինչն օգնում է կանխարգելել աթերոսկլերոզի և սիրտ-անոթային հիվանդությունների զարգացումը։

Այս մթերքը կարող է օգնել նաև իջեցնել արյան մեջ գլյուկոզայի մակարդակը։ Այն պայքարում է նաև բակտերիաների ու վիրուսների դեմ։

Հարկավոր է՝

250 գրամ մաքրած սխտոր,

150 մլ չոր սպիտակ գինի,

150 մլ մաքուր ջուր,

500 մլ խնձորի քացախ,

2 դափնու տերև,

2 ճաշի գդալ ձիթապտղի յուղ,
սև պղպեղի 6 հատիկ,

1 ճաշի գդալ աղ։

Պատրաստման եղանակը

Ջրին ավելացրեք գինին, ձիթապտղի յուղը, խնկածաղիկը, աղը, դափնու տերևն ու պղպեղը։ Եռացրեք, ավելացրեք մաքրած սխտորը։ Տաքացրեք ևս 3 րոպե։

Անջատեք կրակը, թողեք՝ սառչի։ Լցրեք ստերիլիզացված տարայի մեջ, ավելացրեք խնձորի քացախը։ Պահեք սառնարանում։ 5 օր անց ըմպելիքը կարելի է օգտագործել։

1-2 թեյի գդալ լցրեք ջրի մեջ, օգտագործեք իմունիտետն ամրացնելու, առողջական վիճակը լավացնելու համար։

Ուշադրություն․ ցանկացած միջոց օգտագործելուց առաջ հարկավոր է խորհրդակցել բժշկի հետ։ Ինքնաբուժումը կարող է վնասել առողջությանը։