Վերջերս գիտնականները փորձ են իրականացրել եւ գտել հիմնական 8 տեսակի մթերքները, որոնք երիտասարդացնող եւ գեղեցկությունը պահպանող հատկություն ունեն: Այսպես, օրինակ, առաջարկվում ենք ուտել ընկույզ, քանի որ այն մաշկը խոնավեցնող, սնուցող եւ առաձգականությունը պահպանող հատկություն ունի: Այն պարունակում է վիտամին E, որը կանխում է մաշկի բջիջների ծերացումը:
Ընկույզը կարող եք ոչ թե շաբաթական, այլ ամսական 1 անգամ ուտել, եւ ձեր օրգանիզմը կապահովվի օգտակար նյութերով: Այնուհետեւ գիտնականներն առաջարկում են ուտել կորեկաձավարի շիլա, որը հարուստ է սիլիցիումով: Այս մթերքը եւս աչքի է ընկնում երիտասարդացնող հատկությամբ:
Սունկ սիրողներին էլ հատկապես խորհուրդ են տալիս շամպինյոն տեսակը, քանի որ այս տեսակի սնկերը պահպանում են դեմքի թարմ գույնը եւ կանխում կնճիռների առաջացումը:
Բավական է շաբաթական մեկ անգամ ուտել ավոկադո, եւ ձեր մազերը, եղունգներն ու մաշկը գեղեցիկ ու առողջ տեսք կունենան: Այս էկզոտիկ միրգը վերադարձնում է մազերի կորցրած փայլը եւ թույլ է տալիս մոռանալ չոր մաշկի մասին: Նրանում գրեթե չկան շաքար եւ ածխաջրեր, ճարպեր եւ խոլեստերին, փոխարենը հարուստ է վիտամիններով՝ A, B, C, E: Բարձր որակի պանիրը կալցիումի հիմնարար աղբյուր է, որն անհրաժեշտ է մեր ոսկորներին եւ ատամներին: Օգտագործելով օրական 100 գրամ պանիր՝ կունենաք նաեւ ամուր եղունգներ: Թթու կաղամբը մաշկի խնդիրները մոռանալու հրաշալի միջոց է:
Կաղամբը պարունակում է կաթնաթթու, օգնում է օրգանիզմը մաքրել թունավոր նյութերից եւ ամրապնդում է աղիները: Այս մթերքը եւս խորհուրդ է տրվում օգտագործել շաբաթը գոնե մեկ անգամ:
Եթե հասել եք ձեր երազած սահմանագծին եւ ունեք գեղեցիկ մազեր ու ամուր եղունգներ, ապա դրանք պետք է պահպանել, որի համար խորհուրդ ենք տալիս ուտել ոստրե: Այս մթերքը հագեցած է բոլոր ծովային հանքանյութերով: Այն կարող եք փոխարինել նաեւ ծովային կաղամբով:
Կիվին նույնպես 8 մթերքի շարքում է: Այս միրգը պարունակում է վիտամին C եւ բետակարոտին: Շաբաթը մի քանի անգամ նախաճաշին կերեք կիվի, որը նույնպես պահպանում է երիտասարդությունը եւ դեմքի գեղեցիկ գույնը:
