Համացանցի օգտատերերը երեկ ողջ աշխարհում չէին կարողանում օգտվել Instagram-ից, Facebook-ից և WhatsApp-ից:
Խնդիրները հանգեցրին Facebook-ի աշխատանքի խափանման: Վերջին անգամ այսպիսի դեպք տեղի էր ունեցել 2008-ին, երբ վեբ ցանցն ավելի քանի 150 միլիոն օգտատեր ուներ։ Իսկ հիմա Facebook-ում 2.3 միլիարդ օգտատեր է գրանցված:
Աղբյուրները հայտնում են, որ ներքին ցանցը ծանրաբեռնված էր, և վերականգնման համար երկար ժամանակ պահանջվեց:
Խնդիրները սկսվել են երեկ երեկոյան։ Օգտատերերը չէին կարողանում մուտք գործել էջ:
Facebook-ը, որ իր եկամտի մեծ մասը ստանում է գովազդներից, արդեն սկսել է հաշվել պատճառված վնասի չափը:
Facebook-ի ներկայացուցիչը երեկ գրել է. «Մենք գիտենք, որ որոշ մարդիկ ներկայումս խնդիրներ ունեն Facebook-ի հետ: Մենք կենտրոնացած ենք խնդրի լուծման վրա: Կարող եմ հստակ ասել, որ սա DDoS հարձակում չէ»:
Համացանցի օգտատերերը Twitter-ի միջոցով են հայտնել խնդրի մասին:
Միաժամանակ բողոք կար նաև Instagram-ից: Այդ խնդրի մասին նույնպես Twitter-ի միջոցով է հայտնի դարձել: