Armsport.am-ը գրում է.
«Բարսելոնայի» և Բրազիլիայի հավաքականի կիսապաշտպան Ֆիլիպե Կոուտինյոն կարիերան կարող է շարունակել «Մանչեսթեր Յունայթեդում», հայտնում է Mirror-ը:
Աղբյուրի փոխանցմամբ, անգլիական ակումբը դիտարկում է առաջիկա տրանսֆերային պատուհանի ընթացքում կիսապաշտպանին ձեռք բերելու տարբերակը: Հաղորդվում է, որ ֆուտբոլիստը տեղափոխության մասին արդեն զրուցել է ՄՅՈւ-ում իր ծանոթների հետ:
Մանկունիացիները պատրաստ են մոտ 115 մլն եվրո առաջարկել:
Կոուտինյոն «Բարսելոնա» է տեղափոխվել «Լիվերպուլից» 2018 թվականի հունվարին: Տրանսֆերի արժեքը կազմել է 135 մլն եվրո: Բրազիլացու պայմանագիրը կատալոնական ակումբի հետ ուժի մեջ է մինչր 2023 թվականի ամառը:
Ընթացիկ մրցաշրջանում նա Իսպանիայի առաջնության 25 հանդիպման է մասնակցել, դարձել է 4 գոլի և 2 գոլային փոխանցման հեղինակ:
