Operativ.am-ը գրում է.
Սաուդյան Արաբիայի զվարճանքների գլխավոր վարչության տնօրեն Թուրքի Ալ աշ Շեյխը հայտարարել է, որ նախատեսում են երկրում առաջին կոնսերվատորիան կառուցել: Իշխանությունների որոշումը վկայում է, որ թագավորությունում վերջնականապես հանել են երաժշտության արգելքը:
Պաշտոնյան չի նշել շինարարության ժամկետներն ու նախագծի արժեքը: Ավելի վաղ, Սաուդյան Արաբիայում պետական մակարդակով արգելվել էր երաժշտությունը: Սակայն Vision 2030 ծրագրի ընդունումից հետո իրավիճակը կտրուկ փոխվել է:
Իշխանությունները թույլատրել են համերգներ և փառատոններ կազմակերպել: Այս տարի թագավորության բեմահարթակներում արդեն հանդես են եկել կոմպոզիտոր և կատարող Յանին, իտալացի օպերային երգիչ Անդրեա Բոչելին և ամերիկացի երգչուհի Մերայա Քերին:
Ըստ News.ru-ի, Սաուդյան Արաբիայի թագաժառանգ Մուհամեդ բին Սալմանը Vision 2030 բարեփոխումների հիմնական գաղափարախոսն է:
