Կոլումբիայի Մեդելին քաղաքի իշխանության որոշմամբ պայթեցվել է 20-րդ դարի ամենավտանգավոր հանցագործներից մեկի` նարկոբարոն Պաբլո Էսկոբարի տունը, որն առավել հայտնի է «Մոնակո» անվամբ, որտեղ նա երկար տարիներ ապրել է իր ընտանիքի հետ:
Աղբյուրի հաղորդմամբ` պայթյունից հետո տունն ամբողջությամբ գետնին է հավասարվել: Տեղի իշխանությունները նախատեսում են այդտեղ կառուցել նարկոմաֆիայի զոհերի հիշատակին նվիրված հուշահամալիր:
Նշվում է, որ Պաբլո Էսկոբարը «Մոնակո»-ից հեռացել է 1988 թվականին` իր նկատմամբ անհաջող մահափորձից հետո: Մինչև 2018 թվականը այն գործել է որպես տուն-թանգարան, որտեղ ներկայացված են եղել Էսկոբարի լուսանկարներն ու նարկոբարոնի անձնական իրերը: Թանգարանի տնօրենն Էսկոբարի ավագ եղբայր և նրա նախկին հանցակից Ռոբերտո Էսկոբար Գավիրիան էր:
Հիշեցնենք, որ Պաբլո Էսկոբարը մահացել է 1993 թվականին` ոստիկանների և նրա միջև տեղի ունեցած հրաձգության հետևանքով:
Authorities demolish the home of former drug-trafficking kingpin #PabloEscobar in #Colombias Medellin pic.twitter.com/j9poCsPLjF
— Press TV (@PressTV) February 23, 2019