Մոսկվան առաջին տեղն է զբաղեցրել 2018-ի ամենամեծ ավտոմոբիլային խցանումներով քաղաքների վարկանիշային աղյուսակում: Այս մասին ասվում է ընկերության INRIX կայքում հրապարակված զեկույցում:
Նշվում է, որ 2018 թ.-ին մոսկովյան վարորդները խցանումներում միջինը 210 ժամ են անցկացրել, իսկ պիկ ժամերի միջին արագությունը կազմել է 22.3 կմ/ժ:
Երկրորդ հորիզոնականում է Թուրքիայի Ստամբուլ քաղաքը, որի բնակիչները, միջին հաշվով, 157 ժամ են անցկացրել ճանապարհային խցանումներում: Հակավարկանիշի բրոնզը բաժին է հասել Բոգոտային: Այստեղ վարորդների խցանումներում անցկացրած ժամանակը կազմել է 272 ժամ, սակայն մյուս ցուցանիշների շնորհիվ Կոլումբիայի մայրաքաղաքը գրավել է երրորդ տեղը:
Նշվում է, որ աղյուսակում հայտնվել են նաև Ռուսաստանի քաղաքներից Սանկտ Պետերբուրգը (9-րդ տեղ), Դոնի Ռոստովը (33-րդ տեղ) և Նիժնի Նովգորոդը (39-րդ տեղ):
