sportsegodnya.am կայքը գրում է, որ հայկական արմատներով ֆրանսիացի ֆուտբոլիստ Յուրի Ջորկաեֆը ցանկություն է հայտնել մարզել Հայաստանի ֆուտբոլի հավաքականը:
Յուրի Ջորկայեֆը ծնվել է 09.03.1968թ. Լիոնում (Ֆրանսիա):
1984-89թթ-ին խաղացել է «Գրենոբլ»,
1989-90-ին՝ «Ստրասբուրգ»,
1990-95-ին՝ «Մոնակո»,
1995-96-ին՝ «Պարի Սեն Ժերմեն» ֆրանսիական,
1999-ին՝ «Ինտեր» իտալական,
1999-2000-ին՝ «Կայզեր Սլաուտեռն» գերմանական,
2002-ից՝ «Բոլթոն» անգլիական ակումբներում:
Ֆրանսիայի հավաքականի կազմում խաղացել է 76 խաղ, խփել 28 գնդակ, դարձել է աշխարհի (1998), Եվրոպայի (2000) չեմպիոն, Համադաշնությունների գավաթակիր (2001):
«Պարի Սեն Ժերմենի» կազմում՝ Եվրոպայի (1996), Միլանի «Ինտերի» կազմում՝ ՈՒԵՖԱ-ի (1998) գավաթակիր:
1991-ին «Մոնակոյի» կազմում նվաճել է Ֆրանսիայի գավաթը:
1994-ին ճանաչվել է Ֆրանսիայի առաջին դիվիզիոնի լավագույն ռմբարկու (20 գնդակ):
Հիշեցնեմ, որ անցյալ տարվա նոյեմբերին հարցազրույցներից մեկում նա ասել էր.
- Հնարավո՞ր է, որ մի օր Դուք մարզեք Հայաստանի հավաքականին:
- Առայժմ ոչ, բայց գուցե մի օր հնարավոր լինի: Հիմա ապրում եմ Ամերիկայի Միացյալ Նահանգներում, եւ այդ հարցն առայժմ հեռու է ինձնից: Բայց երբեք պետք չէ «ոչ» ասել:
- Առաջիկայում Հայաստան գալու մտադրություն ունե՞ք:
- Հուսով եմ: Հույս ունեմ Հայաստան գնալ մայիս կամ հունիս ամիսներին:
