Շվեդիայի մայրաքաղաքի արվարձանում հայտնաբերվել են երկրի թագավոր Կառլ 9-րդի և նրա տիկնոջ՝ Քրիստինայի երկու թագ և գավազան, որոնք գողացված են եղել Սթրենգնես քաղաքի տաճարից։ Այդ մասին գրում է kompravda.eu-ն։
Գողացված թագավորական գանձերի արժեքը գնահատվում է մոտ 6,5 միլիոն եվրո։
Նշվում է, որ երկու հանցագործերը մտել են տաճար, որը բաց է այցելուների համար, կոտրել են ցուցափեղկը և հանել թագերը։ Անվտանգության ազդանշանի աշխատելուն պես կողոպտիչները վերցրել են թագերը և դուրս փախչել տաճարից և բլրի լանջով վազել դեպի լիճը։ Այնտեղ նրանք նստել են հատուկ նախատեսված մոտորանավակը և կարողացել են թաքնվել։
Ոստիկանները փորձել են հետապնդել գողերին նավերով և ուղղաթիռով, սակայն մինչ այժմ չեն կարողացել հայտնաբերել նրանց։ Հանցագործների հանդեպ միջազգային հետախուզում է հայտարարվել։
Շվեդական թագավորությունում նախկինում ևս նման կողոպուտներ են կատարվել։ 2013 թվականին Վեսթերոսի տաճարից կողոպտվել են Յուհան 3-րդ թագավորի հուղարկավորության ծիսական իրերը, ինչից հետո հայտնաբերվել են տաճարի ճանապարհին աղբամանի մեջ։
