Վերջերս Հռոմի Ֆրանցիսկոս պապը հանդիպել է հավատացյալներին ու շատ տպավորիչ ճառ կարդացել:
Նրա խոսքերով՝ ավելի լավ է լինել աթեսիտ, քան ամեն օր եկեղեցի գնալ ու միաժամանակ քննադատել շրջապատին:
«Որքա՜ն հաճախ ենք տեսնում մարդկանց, ովքեր ամեն օր եկեղեցի են գնում, սակայն քննադատում են մնացածին ու բամբասում: 
Ավելի լավ է լինել աթեիստ, բայց լավ մարդ ու բոլորին օրինակ ծառայել:
Երբ աղոթում եք, հավատացեք ողջ հոգով ու սրտով:
Շատ քրիստոնյաներ կարծում են, որ աղոթքն անիմաստ շատախոսություն է: Նրանք Աստծո հետ թութակների նման են խոսում: Սրտով պետք է աղոթել»:
Նա նաև նշել է, որ աշխարհում շատ են այն մարդիկ, ովքեր իրենց միայնակ են զգում։ Սա հատկապես վերաբերում է երեխաներին ու դեռահասներին: Հռոմի պապի կարծիքով՝ գրկախառնությունն ու ծնողների ուշադրությունն ամենալավ միջոցն են, որ կարող են պայքարել սրա դեմ:
Բոլորը չէ, որ նույն հավատքը պետք է դավանեն: Կարող են լինել տարբեր հավատքի մարդիկ, սակայն աշխարհում պետք է տիրեն սերն ու համերաշխությունը:
Հռոմի պապն ասում է, որ նույնիսկ հասարակ ժպիտը կարող է օգնել մարդկանց:
