ԱՄՆ-ի գիտնականները կապ են հայտնաբերել հերպեսի և քաղցկեղի միջև. հետազոտողները հայտարարել են, որ հիվանդությունները վնասում են առողջությանը, գործելով միասին: Պարզվել է, որ հերպեսի վիրուսը և քաղցկեղածին ուռուցքները օգտագործում են մարդու օրգանիզմում տարածվելու միևնույն մեխանիզմը, գրում է «Առողջություն և գեղեցկություն»-ը:
Հետազոտողները պարզել են, որ հերպեսի վիրուսը տարածվում է օրգանիզմում օգտագործելով մարդու ԴՆԹ-ում պահպանված հնագույն գենետիկական նյութը: Նմանատիպ կերպով են քաղցկեղածին ուռուցքները ներթափանցում առողջ բջիջներ:
Գիտնականները նշում են, որ շատ հնարավոր է հերպեսը և քաղցկեղը սովորել են գործակցել հնագույն ՌՆԹ-ի հետ միմյանցից անկախ: Բայց կարելի է նաև ենթադրել, որ քաղցկեղը և հերպեսի վիրուսը փոխադարձաբար նպաստում են միմյանց օրգանիզմում արմատավորմանը: Ըստ հետազոտության համահեղինակ, բժիշկ Բենջամին Գրինբաումի՝ նման վարկածի հավանականությունը մատնանշում է «այդ անհամեմատելի հիվանդությունների տարածման մեխանիզմների հնարավոր նմանությունը»:
