Նախօրեին մամուլում տեղեկություններ են տարածվել այն մասին, թե Ծաղկաձորի «Գոլդեն Փելես» հյուրանոցային համալիրը տնօրինում է Սասուն Միքայելյանի որդին։ Միևնույն ժամանակ լրատվամիջոցներից մեկն այս առիթով գրեց (իբր հիշեցման կարգով), թե հյուրանոցն իրականում պատկանում է Քոչարյանների ընտանիքին։
Այսօր մենք դիմեցինք ՀՀ 2-րդ նախագահի գրասենյակ և մեկնաբանություն խնդրեցինք այս կապակցությամբ։ Գրասենյակում տեղեկությունը հերքեցին՝ միևնույն ժամանակ հիշեցնելով, որ դեռևս ամիսներ առաջ հայաստանյան կայքերից մեկը հարցում էր ուղարկել հյուրանոցի սեփականատերերին և ստացել նրանցից պատասխան, որով հերքվել էր տարիներ շարունակ չարչրկվող սուտն այն մասին, թե Ծաղկաձորի շքեղ այդ հյուրանոցը պատկանում է Քոչարյանների ընտանիքին։
Ձեր ուշադրությանն ենք ներկայացնում հերքման հղումը։
Նյութի աղբյուր՝ https://www.facebook.com/photo.php?fbid=2070486289711894&set=a.108589759234900&type=3&theater
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել