Ադրբեջանը եթե մի բան կարողանում է անել, ապա դա հայերի դեմ ամեն անգամ լարվածություն տարածելն է։ Ու Ղազախստանի դեպքն էլ չէր կարող տարբերվել իրենց կողմից որդեգրած այսքան տարիների փորձից։

Ադրբեջանական կողմն ամեն գնով փորձում է ցանկացած առիթ օգտագործել և Հայաստանին ներկայացնել ագրեսիվ պահվածքով պետություն, ու դա մեծ ազդեցություն է ունենալու հետագայում ցանկացած բանակցության վրա։ Նույնիսկ ղազախներին օգտագործելով՝ ադրբեջանական կողմն իր համար արխիվ է հավաքում, ու թքած, թե իրենց մեղադրական հոդվածների գլխավոր հերոսը հիմնականում ադրբեջանցիները չեն, քանի որ կարծես արդեն տարածվել է հայտարարություն, որ հիմնական մեղավորն ադրբեջանցի է եղել, բայց դա հարևանների համար կարծես երկրորդական է․ հիմնական խնդիրը հայկական կողմին մարդասպան ու հանցագործ ներկայացնելն է։

Մեզ մնում է հուսալ և հավատալ, որ ղազախ ժողովրդի մեծ մասը չի գնա ադրբեջանական քարոզչության հետքերով ու հայ և ղազախ ժողովրդների հարաբերություններն ավելի լավ մակարդակի վրա կդրվեն։

Տարբեր երկրների միջև թշնամանք սերմանող պետությունը ոչ մեկին, ոչ մյուսին չի կարող բարեկամ լինել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել