Հատուկ ադրբեջանասերների համար
Ղազախստանում սկիզբ է առել բողոքի ալիք ընդդեմ հայերի, հնչում են կոչեր հայերին Ղազախստանից վտարելու համար: Պատճառը մի քանի օր առաջվա դանակահարությունն է, որի հետևանքով զոհվել է մեկ մարդ ու կան վիրավորներ: Ըստ տարածված լուրերի՝ դանակահարողները հայկական ազգանուններով մարդիկ են, բայց...
Բայց պարզվում է, որ դանակահարողներն ադրբեջանցիներ են, սակայն ինչ-որ կախարդական փայտիկով այդ ազգանունները մի քանի ժամ հետո դարձել են հայկական ազգանուններ, և հայտնվել են մարդիկ, ովքեր սկսել են հայերի դեմ բողոքի ակցիաներ իրականացնել:
Հայերը Ղազախստանում բավականին հարգված են, մի շարք ոլորտներում իրենք անգերազանցելի են, ունեն կշիռ կառավարությունում և այլն:
Կարծում եմ, որ արդեն ակնհայտ է, որ Ադրբեջանը հսկայածավալ միջոցներ է ներդրել, որպեսզի հայերին հեղինակազրկի միջազգային ասպարեզում: Մեզ դժվար տարի է սպասվում այս «ճակատամարտում»:
