Վիճակագրության համաձայն՝ չափահաս մարդն օրական միջինը 2-4 ժամ սմարթֆոն է օգտագործում։ Զարմանալի չէ, որ հեռախոսային կախվածությունը հաճախ մի շարք լուրջ առողջական խնդիրների է հանգեցնում։ Երբ դուք երկար ժամանակ նայում եք հեռախոսի էկրանին, այդ ժամանակ լրացուցիչ լարվածություն է առաջանում պարանոցի առջևի և ետևի հատվածներում։
Պարանոցի ցավը մեղմացնող պարզագույն միջողներ, որոնք կարելի է կիրառել տնային պայմաններում։
Մերսում թենիսի գնդակի օգնությամբ
Ինչ անել
- Վերցրեք թենիսի գնդակը և սկսեք մերսել գանգի հիմքը՝ գնդակը շարժելով տարբեր ուղղություններով։
- Եթե դուք խտացում կզգաք, ապա հարկավոր է գնդակով 20-30 վայրկյան սեղմել այդ հատվածի վրա, այնուհետև թողնել և շարունակել մերսումը։
Արդյունքը։ Թենիսի գնդակը կօգնի վերականգնել պարանոցի շարժողունակությունը և կթուլացնի մկանների լարվածությունը։
Ուղտի դիրք
Ինչ անել
- Ծնկի իջեք։ Ծնկների բացվածությունը պետք է լինի գոտկատեղի չափով։
- Ձեռքերը դրեք կոնքերի վրա և աշխատեք մարմինը դեպի վեր ձգել։
- Ետ ընկեք։ Արտաշնչելու ժամանակ ձգեք կրծքավանդակը և գոտկատեղը։
- Ձեռքերով բռնեք ոտնաթաթերը։
- Գլուխը ետ գցեք և այդ դիրքով մնացեք մոտավորապես 30-60 վայրկյան, այնուհետև վերադարձեք նախնական դիրքին։
Արդյունքը։ Ուղտի դիրքը կօգնի նվազեցնել մկանների լարվածությունը։
Կոբրայի դիրք
Ինչ անել
- Պառկեք դեմքով դեպի հատակը, միացրեք ոտքերը՝ ձգելով մատները։
- Ձեռքերը դրեք ուսերի տակ։
- Արտաշնչելու ժամանակ դանդաղ վերև բարձացեք առանց թևերի վրա հենվելու։ Հարկավոր է ձեռքերը բազուկների շրջանում թեքված պահել, որպեսզի զգաք մեջքի ձգվածությունը։
- Դիրքը պահպանեք 15-30 վայրկյան, որից հետո արտաշնչելով իջեք հատակին։
Արդյունքը։ Կոբրայի դիրքը կօգնի թուլացնել պարանոցի առաջնային մկանները և կվերականգնի ուսերի ճիշտ դասավորվածությունը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
