Գիտնականներն ապացուցել են ցրտի և մահվան բարձր ռիսկի միջև կապը

Չինացի գիտնականները պարզել են, որ ցուրտը այն հիմնական բնական գործոնն է, որը խաթարում է մարդու առողջությունը և կարող է հանգեցնել մահվան:

Նրանք վերլուծել են Չինաստանի ավելի քան 270 քաղաքներում 2013-2015թթ. ընկած ժամանակահատվածում գրանցված ավելի քան 1.8 միլիոն բնական մահվան դեպքեր:

Պարզվել է, որ շատ դեպքերում մահվան դեպքը միանշանակ կապ է ունեցել ցածր ջերմաստիճանային պայմանների հետ:

Փաստն այն է, որ ցուրտը բացասաբար է ազդում սրտանոթային համակարգի վրա, հանգեցնում է մարդու ավտոնոմ նյարդային համակարգի փոփոխությունների, ազդում է արյան ճնշման վրա և բորբոքային պրոցեսներ է առաջացնում:

Հետազոտողները մարդու օրգանիզմի համար լավագույն ջերմաստիճան են համարել 22.8 աստիճանն ըստ Ցելսիուսի, որի դեպքում հիվանդանալու վտանգը դառնում է նվազագույն: