Armsport.am-ը գրում է.

«Աթլետիկոյի» հարձակվող Դիեգո Կոստան, որը վերջերս վնասվածք է ստացել իր թիմի մարզումներից մեկի ժամանակ, ձախ ոտքում ունեցած անհարմարությունների պատճառով ստիպված կլինի վիրահատվել:

Ինչպես հայտնում է մադրիդյան ակումբի պաշտոնական կայքը, վիրահատությունը տեղի կունենա Բրազիլիայում և կանցկացվի «Աթլետիկոյի» բժշկական անձնակազմի հսկողության ներքո:

Ընդ որում չեն հստակեցվում ֆուտբոլիստի վերականգնման մոտավոր ժամկետները:

Ընթացիկ մրցաշրջանում իսպանացի ֆուտբոլիստն «Աթլետիկոյի» կազմում բոլոր մրցաշարերում 15 հանդիպման է մասնակցել, դարձել է 4 գոլի և երկու գոլային փոխանցման հեղինակ:

Ընթացիկ մրցաշրջանում «Աթլետիկոն» 14 տուրից հետո իսպանական Պրիմերայի 3-րդ հորիզոնականն է զբաղեցնում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել