34,6 քմ մակերեսով բնակարանը 10 տարով անհատույց`14 երեխա ունեցող Վիրաբ Շաբոյանի ընտանիքին

«Երևանի ավագանու այսօրվա նիստում Երևանի քաղաքապետարանի աշխատակազմի անշարժ գույքի կառավարման վարչության պետ Արսեն Ամյանը ներկայացնելով որոշման նախագիծ, առաջարկեց Մոլդովական փողոցում գտնվող 34,6 քմ մակերեսով բնակարանը 10 տարով անհատույց տրամադրել 14 երեխաներ ունեցող Վիրաբ Շաբոյանի ընտանիքին, ով Արցախյան ազատամարտի մասնակից է»:

Վերը նշված լուրը նոր աչքովս ընկավ։ Հիմա հույս ունեմ, որ 34.6 քառակուսին ուղղակի տպագրական սխալ է։

Հակառակ դեպքում, քաղաքապետարանի բարձրաստիճան պաշտոնյաներին առաջարկում եմ հավաքվել իրար գլուխ ու մի 7 հոգով 10 օր ապրել այդ փոքրիկ բնակարանում։