Տղամարդը, ով փորձել է մուտք գործել կառավարության շենք, 1975 թ ծնված է, Aysor.am- ի հետ զրույցում ասաց ԱԱԾ խոսնակ Սամսոն Գալստյանը։
«Փորձել է մուտք գործել ինքնապայթեցման նպատակով, սակայն վնասազերծվել է կառավարության շենքի պահպանությունն իրականացնող ԱԱԾ աշխատակիցների կողմից», - ասաց նա:
Դեպքի առթիվ ԱԱԾ քննչական դեպարտամենտում հարուցվել է քրեական գործ` ՀՀ Քրեական օրենսգրքի 235-րդ հոդվածի 1-ին մասով։ Այն է՝ Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը պատժվում է կալանքով՝ առավելագույնը երեք ամիս ժամկետով, կամ ազատազրկմամբ՝ առավելագույնը երեք տարի ժամկետով:
Սամսոն Գալստյանն ասաց, որ դեպքի հանգամանքները պարզվում են։
Նյութի աղբյուր՝ https://www.aysor.am/am/news/2018/10/27/%D5%8F%D5%B2%D5%A1%D5%B4%D5%A1%D6%80%D5%A4-%D5%A1%D5%A1%D5%AE/1483467
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
