Armsport.am-ը գրում է.
Լոնդոնի «Չելսիի» հարձակվող Էդեն Ազարը մոտ ժամանակներս կերկարաձգի պայմանագիրն անգլիական ակումբի հետ, հայտնում է «Transfer Market Web»-ը:
Աղբյուրի փոխանցմամբ, բելգիացի ֆուտբոլիստն արդեն համաձայնեցրել է նոր պայմանագրի պայմանները, որը նախատեսված կլինի մինչև 2022 թվականի ամառը:
Ազարի գործող պայմանագիրը «Չելսիի» հետ ավարտվում է 2020 թվականին:
Նշվում է, որ կողմերը մոտ ժամանակներս պաշտոնապես կհայտարարեն պայմանավորվածության մասին:
Ընթացիկ մրցաշրջանում 27-ամյա հարձակվողն անգլիական Պրեմիեր-լիգայի 6 հանդիպման է մասնակցել, որոնցում դարձել է 5 գոլի և 2 գոլային փոխանցման հեղինակ:
«Չելսին» մեկնարկային 6 տուրից հետո զբաղեցնում է ԱՊԼ-ի մրցաշարային աղյուսակի երրորդ հորիզոնականն` իր ակտիվում ունենալով 16 միավոր և «Մանչեսթեր Սիթիին» զիջելով լրացուցիչ ցուցանիշներով:
Լիգան գլխավորում է «Լիվերպուլը» 18 միավորով: