Հիշում ե՞ք, որ Սերժ Սարգսյանի եղբոր որդու անունով մի քանի մլն դոլարի ավանդ բացահայտվեց, ոմանք ասում էին՝ վտանգավոր է, հեսա մարդիկ վախից ավանդները բանկերից կհանեն։

Էդպիսի բան չեղավ։ Հակառակը՝ հուլիսին ավանդների ծավալը հասավ ռեկորդային 2.8 տրլն դրամի։ Հիմա էլ սկսեցին ասել, որ դա վատ է, որովհետև մարդիկ փողը ներդնելու այլ տեղ չունեն, բիզնեսում են ներդնում։

Նվազած լիներ, էլի վատ կմեկնաբանվեր։ Նորմալ է։ )

Հիմա էլ նոր հարց է շրջանառվում. եթե Սաշիկ Սարգսյանի 30 մլն դոլարը բանկից հանել տան ու առգրավեն, խնդիրներ չե՞ն առաջանա բանկի համար։ 

Իմ կարծիքով՝ չեն առաջանա (բոլոր բանկերն էլ լիկվիդայնության ավելցուկ ունեն): Բայց եթե էդ ամբողջ գումարը մեկ բանկում է, ապա էդ մեկ բանկը 30 մլն դոլարն ընդունելու պահին պիտի հաշվարկած լիներ էն տարբերակը, որ գումարի տերը մի գեղեցիկ օր միանգամից կարող է գումարը հանել (պատճառն էական չէ, կարող է հաներ, տեղափոխեր այլ բանկ կամ դներ սեյֆի մեջ): 

Էնպես որ, եթե խնդիր առաջացավ, ուրեմն՝ էդ բանկի մեղքն է։ Բայց դե ուղղակի քեշն է պակասելու բանկի ու պարտավորությունները, դժվար լուրջ հետևանք լինի։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել