Armsport.am-ը գրում է.
«Մանչեսթեր Սիթին» մտադիր չէ բաժանվել թիմի կիսապաշտպան Իլկայ Գյունդողանից և ցանկանում է ապահովագրել իրեն ֆուտբոլիստի հնարավոր կորստից:
Ինչպես հայտնում է «Football Espana»-ն, անգլիական թիմի ղեկավարությունը զգուշանում է «Բարսելոնայից» հետաքրքրությունից և պատրաստ են մոտ ժամանակներս բանակցություններ սկսել պայմանագրի երկարաձգման շուրջ:
Այդուհանդերձ, Գյունդողանի ծառայություններով հետաքրքրված են նաև «Միլանը» և որոշ գերմանական ակումբներ:
Սակայն, ինչպես նշում է աղբյուրը, ֆուտբոլիստը երջանիկ է «Մանչեսթեր Սիթիում» և դժվար թե ցանկանա հեռանալ թիմից:
Ավելի վաղ հաղորդվում էր, որ Միլանի «Ինտերը» դիտարկել է Գյունդողանին որպես այլընտրանքային տարբերակ «Ռեալի» կիսապաշտպան Լուկա Մոդրիչին:
Ընթացիկ մրցաշրջանում 27-ամյա ֆուտբոլիստն անգլիական Պրեմիեր-լիգայի 4 հանդիպման է մասնակցել, որոնցում դարձել է 1 գոլային փոխանցման հեղինակ: