Armsport.am-ը գրում է.
Գերմանիայի հավաքականի հարձակվող Տիմո Վերները կարծում է, որ թիմակից Լերոյ Սանեն Բունդեսթիմի համար կարող է ունենալ նույն նշանակությունը, որը Կիլիան Մբապեն ունի Ֆրանսիայի հավաքականի համար.
«Սանեին վաղուց եմ ճանաչում: Մենք միասին խաղացել ենք դեռևս մինչև 19 տարեկանների հավաքականում: Նա միշտ մեծ նվիրումով է խաղում:
Իր արագության և համառության շնորհիվ Սանեն կարող է հզոր զենք դառնալ Գերմանիայի հավաքականի համար, ինչպիսին Կիլիան Մբապեն է Ֆրանսիայի հավաքականում:
Մբապեն հիացնում է՝ չնայած ինձանից էլ 2-3 տարի փոքր է: Երբ Մեսսին և Ռոնալդուն հեռանան, Կիլիանը կլինի մեկն այն ֆուտբոլիստներից, ովքեր կլրացնեն առաջացած դատարկությունը: Մբապեի պոտենցիալը շատ ոգևորող է: Նա անհավանական արագություն և տեխնիկա ունի: Կարելի է միայն շնորհավորել նրանց, ովքեր խաղում են Մբապեի հետ»,- ասել է Վերները «Bild»-ին տված հարցազրույցում:
