operativ.am-ը գրում է
Ամերիկյան օդուժին պատկանող երկու F-15 ինքնաթիռից սեպտեմբերի 8-ին արգելված ֆոսֆորային զինամթերքով ավիահարված է հասցվել Դեր Զոր նահանգի ուղղությամբ:

РИА Новости-ի փոխանցմամբ՝ նման հայտարարությամբ հանդես է եկել Սիրիայում հակամարտող կողմերի հաշտեցման կենտրոնի ղեկավար, գեներալ-լեյտենանտ Վլադիմիր Սավչենկոն:

Ինչպես հաղորդվում է, ավիահարվածներն իրականացվել են Հաջին քաղաքի ուղղությամբ: Հարձակման հետևանքով ուժեղ հրդեհներ են բռնկվել:

Սավչենկոյի խոսքով՝ տուժածների կամ հնարավոր զոհերի մասին տեղեկությունները ճշտվում են:

Գեներալ-լեյտենանտը հիշեցրել է, որ սպիտակ ֆոսֆորով սպառազինության կիրառումն արգելվում է 1949 թվականի Ժնևյան կոնվենցիայի հավելյալ արձանագրությամբ: Ֆոսֆորային ռումբերը համարվում են զանգվածային ոչնչացման զենք:

Նա նշել է նաև, որ չնայած սահմանված հրադադարին՝ Իդլիբի դեէսկալացիոն գոտում անօրինական զինված խմբավորումների կողմից խախտումների թիվն աճում է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել