Երկօրյա հանգիստը բացասաբար է ազդում առողջության վրա. մարդը չի հասցնում հանգստանալ, և ընկնում է աշխատանքի արտադրողականությունը:
Տոնական օրերի ավարտից հետո, որի ընթացքում հանգստյան օրերի թիվն ավելանում է, նկատվում են աշխատանքի բարձր արտադրողականություն և այլ դրական հետևանքներ:
Այսպիսի եզրակացության են հանգել գիտնականները զանգվածային հարցում անցկացնելուց հետո: Վերջին հետազոտությունների արդյունքների համաձայն՝ երկու օրը բավարար չէ նորմալ հանգստանալու համար, ավելին՝ ազատ ժամանակի դեֆիցիտը կրող է բացասաբար ազդել մարդու ֆիզիկական վիճակի և նրա տրամադրության վրա:
Որոշ տվյալներով՝ հանգստյան օրերի անբավարար քանակը բացասաբար է ազդում առողջության վրա: Դա բացատրվում է մարդկային մարմնի ներքին ժամացույցով:
Հետազոտողների կարծիքով՝ հավելյալ հանգստյան օրը բարերար ազդեցություն է ունենում աշխատանքային գործընթացի արդյունավետության վրա՝ ոչ միայն աշխատակիցների, այլև ղեկավարության, ինչը առաջին հայացքից անհավանական է թվում:
