Մարդիկ՝ հատկապես կանայք, սովորաբար երազում են ամուսնական կյանքի մասին, բայց պետք է հասկանալ, որ միայնակ լինելն էլ իր լավ կողմերն ունի ու կարող է հիանալի լինել։ Խնդիրն այն է, որ շատ մարդիկ չգիտեն ինչպես պետք է միայնակ ապրել. նրանք նույնիսկ մտածում են, որ դա ամենավատ բանն է աշխարհում։ Ամենակարևորն այն է, որ Դուք ազատ եք, կարող եք անել այն ամենը, ինչ ուզում եք, գնալ այնտեղ, ուր ուզում եք ու երբ ուզում եք։ Սա կյանքի անգին ժամանակահատվածն է։ Մենք կարող ենք սովորեցնել Ձեզ՝ ինչպես երջանիկ ապրեք Ձեր կյանքը, քանի դեռ միայնակ եք։ Ներկայացնում ենք 9 բան, որ պետք է անպայման անեք մինչև Ձեր կեսին հանդիպելը։
1. Էքսպերիմենտներ՝ ոճի հետ
Ասում են՝ նոր սանրվածքը նոր կյանք է ազդարարում։ Ինչո՞ւ չեք փորձում տարբեր կերպարներ։ Եթե միայնակ եք, ապա չկա նաև վախ, որ Ձեր ընկերոջը, հնարավոր է, դուր չգա Ձեր նոր սանրվածքը կամ ոճը։ Որքան կարող եք, շատ էքսպերիմենտներ արեք։ Սա միակ եղանակն է գտնելու հենց այն ոճը, որը համապատասխանում է ձեր անհատականությանը։
2. Մարզել մարմինը
Եթե ուզում եք գտնել Ձեր կեսին, պետք է հիանալի տեսք ունենաք։ Ամենից առաջ կարևոր է լավ մարզված մարմինը, որը կօգնի Ձեզ ավելի ինքնավստահ ու բավարարված զգալ։ Գնացեք մարզասրահ, լողացեք, պարեք, խաղացեք թենիս և այլն։
3. Մենակ գնալ կինո
Միայնակ նստելու ու որևէ ֆիլմ նայելու միտքը մարդկանց սարսափեցնում է, բայց ինչո՞ւ։ Դա իրականում այդքան էլ վատ միտք չէ։ Վախենում եք՝ ձանձրանա՞ք։ Անհանգստանալու կարիք չկա։ Դուք չեք խոսելու ինքներդ Ձեզ հետ, պարզապես ֆիլմ եք նայելու, ինչը միայնակ ժամանակ անցկացնելու լավագույն տարբերակներից է։
4. Գտնել նախասիրություն
Երբ միայնակ եք, շատ ժամանակ ունեք։ Մի նոր հոբբի ընտրեք՝ լինի դա պարի դասեր, խոհարարություն, նկարչություն, կիթառ նվագել կամ էլ օդաչուի լիցենզիա ստանալ։
5. Եղեք արկածախնդիր
Կյանքը չպետք է ձանձրալի լինի։ Երբևէ մտածե՞լ եք օդապարիկով թռչելու, դայվինգի և այլնի մասին։ Արեք որևէ խենթ ու անսպասելի բան։ Հաղթահարեք վախերը։ Նոր զգացողությունները Ձեզ են սպասում։
6. Ճանապարհորդե՛ք մենակ
Ո՞վ ասաց, որ անպայման մեկը պետք է լինի, ում հետ հաճելի կլինի ճանապարհորդել։ Իրականում, մենակ ճանապարհորդելը կարող է բավականին զվարճալի լինել։ Դուք ավելի լավ կհասկանաք տեղացիներին, կծանոթանաք նրանց մշակույթին և այլն։ Միայնակ ճանապարհորդելը կօգնի նաև ավելի լավ հասկանալ ինքներդ Ձեզ, Ձեր երազանքներն ու ցանկությունները։
7. Ճանապարհորդություն մտերիմ ընկերուհու հետ
Երբ կողակից ունենաք, հիմնականում նրա հետ եք ճանապարհորդելու։ Երբ ամուսնացած եք, այլ տարբերակ հնարավոր չէ։ Այդ պատճառով էլ այժմ ժամանակն է մտերիմ ընկերուհու հետ ուղևորություն կազմակերպելու։ Դուք ունեք ընդհանուր հետաքրքրություններ ու հաստատ հիանալի ժամանակ կանցկացնեք միասին։
8. Ժամանակ անցկացրեք ընտանիքի անդամների ու ընկերների հետ
Որքան հնարավոր է, շատ ժամանակ անցկացրեք ընտանիքի անդամների ու ընկերների հետ։ Ծանոթացեք նոր մարդկանց հետ, սկսեք ընկերություն անել գործընկերների հետ։
9. Ապրել մենակ
Մենակ ապրելը կարող է դժվար թվալ Ձեզ համար։ Բայց ինքներդ Ձեզ հետ մենակ մնալով՝ երջանիկ զգալը շատ կարևոր է։ Դուք սովորում եք ինչպես անկախ ու ինքնուրույն լինել։
