«Բարձրահասակ, թիկնեղ, ժպտերես, բայց լուրջ տղա պետք է լինի կողքիս». Լիլի Սարգսյանի թաց ֆոտոշարքը` լողազգեստով

Tert.amLife-ը գրում է.

Տարվա բոլոր եղանակներին պետք է լինել գեղեցիկ և նրբաճաշակ, համոզված է «Միսս Արմենիա 2017» Լիլի Սարգսյանը: 18-ամյա Լիլին ասում է, որ Գեղեցկության մրցույթին մասնակցելն ու տիտղոսակիր դառնալն  իրեն լիովին փոխել է՝ ավելացնելով ինքնավստահությունն ու օգնելով կյանքին նայել տարբեր կողմերից: Նրա հաղթանակը ժամանակին ունեցավ ինչպես ծափահարողներ, այնպես էլ բազմաթիվ քննադատողներ: Այդ ամենից Լիլին երբևէ չի նեղսրտել: Ասում է՝ ճիշտ հակառակը, դա օգնել է ձգտել ավելիին:

Tert.am Life-ը Լիլիի հետ ամառային «թաց» ֆոտոշարք է իրականացրել և զրուցել երևանյան շոգը հաղթահարելու իր տարբերակի, հանգստի մեկնելու ծրագրերի, մասնագիտական ու անձնական հարցերի շուրջ:

 

 

Լիլին ասաց, որ այս շրջանում փոքր-ինչ զբաղված է և չի հասցրել մեկնել երկարատև հանգստի, երևանյան շոգերը նա հաղթահարում է ժամանակ առ ժամանակ լողավազան այցելելով. «Դա օգնում է ժամանակավորապես ազատվել շոգից:

 

 

Լիլիի խոսքով` ամառը տարվա իր սիրելի եղանակն է, երբ ստիպված չէ շատ հագուստ կրել ու ապահովագրված է ցրտից: Նա կարծում է, որ հատկապես այս ժամանակահատվածում աղջիկներն ու կանայք կարող են մի լավ թիթիզանալ: «Կարծում եմ, որ աղջիկը, կինը  բոլոր եղանակներին էլ պետք է լինի գեղեցիկ և նրբաճաշակ,-ասաց նա և համոզմունք հայտնեց, որ կանացի գրավչության գաղտնիքը ոչ միայն ու ոչ այնքան գեղեցիկ արտաքինն ու կազմվածքն են, որքան ներաշխարհը,- Որքան էլ կինը գեղեցիկ լինի, եթե հոգին չարությամբ լցված լինի, գեղեցկությունը կխավարի:  Պետք է օժտված լինել մարդկային արժեքներով»:

 

 

Թեև Լիլին մասնագիտական քայլեր սկսեց մոդելային ասպարեզում, սա իր ընտրած միակ մասնագիտական ճանապարհը չէ: Նա սովորում է Երևանի Մշակույթի համալսարանի քոլեջում՝ դիզայներական բաժնում. «Այս տարի արդեն պետք է ընտրեմ դիզայնի որևէ ճյուղ: Կարծում եմ՝ վերջնականապես կընտրեմ ինտերիերի դիզայնը, նաև հետաքրքրություն ունեմ համակարգչային դիզայնի նկատմամբ»:

 

Լիլիի խոսքով` դիզայներական աշխատանքը երբեք չի ստվերելու մոդելային ասպարեզում առաջ գնալու իր ցանկությունը: Գեղեցկուհին նպատակ ունի ներկայանալ նաև արտերկրի  մոդելային շուկայում: «Այս տարի իմ առջև նպատակ եմ դրել ուժերս փորձել դրսի շուկայում ՝մասնավորապես Ֆրանսիայի մոդելային ասպարեզում»,-ասաց նա:

 

Նա հիշում է, որ «Միսս Արմենիա» մրցույթին իր մասնակցության որոշումը շատ արագ է կայացրել ու, կարելի է ասել, վերջին պահին, իսկ ամենացանկալի տիտղոսը նվաճելը, նրա խոսքով, իր կյանքում շատ բան է փոխել:

 

Ամբողջական հոդվածը կարող եք կարդալ այստեղ